Daníel Guðjohnsen fer til Þýskalands

Daníel Tristan Guðjohnsen er ungur íslenskur fótboltamaður. Hann hefur spilað með Malmö í Svíþjóð síðan árið 2023.

Nú ætlar Daníel að fara til Þýskalands og spila með liði sem heitir Arminia Bielefeld. Fyrst fer hann þangað í láni, sem þýðir að hann er ennþá í eigu Malmö en spilar með Bielefeld.

Daníel hefur spilað 34 leiki fyrir Malmö og skorað fimm mörk. Hann hefur ekki fengið mikið að spila á þessu tímabili.

Arminia Bielefeld er í B-deild Þýskalands, sem er næstefsta deildin þar. Þeir hafa fengið þrjú stig úr tveimur leikjum á nýju tímabili.