Grænhöfðaeyjar og Spánn komast áfram

Grænhöfðaeyjar tryggðu sér sæti í 32-liða úrslitum heimsmeistaramóts karla í fótbolta með því að gera jafntefli við Sádi-Arabíu, 0:0. Þetta var í Houston í Bandaríkjunum. Grænhöfðaeyjar gerðu jafntefli í öllum leikjum sínum og enduðu með þrjú stig. Þau voru með einu stigi meira en Úrúgvæ og Sádi-Arabía.

Spánn tryggði sér sigur í sínum riðli með því að vinna Úrúgvæ í Mexíkó. Leikurinn endaði 1:0 fyrir Spán og Alex Baena skoraði sigurmarkið á 42. mínútu. Það gerðist eftir mistök hjá markverði Úrúgvæ.

Úrúgvæ reyndi að jafna leikinn en tókst það ekki. Í uppbótartíma fékk leikmaður Úrúgvæ, Agustín Canobbio, rautt spjald fyrir ljóta tæklingu.

Næst mun Spánn mæta Austurríki og Grænhöfðaeyjar leika gegn Argentínu, sem eru ríkjandi heimsmeistarar.