Manchester United gleymdi merki á treyjum

Manchester United gleymdi að setja merki ensku úrvalsdeildarinnar á ermar treyja sinna þegar liðið spilaði við Hull síðastliðinn laugardag.

Samkvæmt reglum eiga merki deildarinnar að vera á erminni ef enginn styrktaraðili er þar. Á síðustu leiktíð var DXC Technology með auglýsingu á erminni, en sá samningur er nú útrunninn.

United mun ekki fá refsingu fyrir þetta, en merki deildarinnar verður á treyjum liðsins þegar það mætir Ipswich í næsta leik á sunnudaginn.