Nýir leikmenn í íslenska landsliðinu

Þrír nýir leikmenn hafa verið kallaðir inn í íslenska landsliðshópinn í fótbolta. Þeir munu spila í leik gegn Eistlandi á þriðjudaginn.

Leikurinn er í C-deild Þjóðadeildarinnar og er sá síðasti hjá íslenska liðinu í þessum landsleikjaglugga. Ísland er í toppsæti riðilsins með sjö stig en Eistland er í öðru sæti með fimm stig.

Leikmennirnir sem koma inn í hópinn eru Sævar Atli Magnússon, Brynjar Ingi Bjarnason og Alfons Sampsted. Þeir koma í stað Mikaels Egils Ellertssonar, sem er í leikbanni, og Daníels Tristans Guðjohnsen sem fer til Færeyja til að spila með U21 árs landsliðinu.