Bjarki Hrafn til Dortmund

Bjarki Hrafn Garðarsson, sem er 16 ára, hefur verið keyptur til þýska knattspyrnuliðsins Dortmund. Hann kemur frá Stjörnunni, sem er uppeldisfélag hans á Íslandi.

Bjarki hefur staðið sig mjög vel með yngri landsliðum Íslands og er talinn mjög efnilegur leikmaður. Hann er 194 sentímetrar á hæð og sparkar boltanum með vinstri fæti.

Margir bera Bjarka saman við norska knattspyrnumanninn Erling Haaland, sem einnig lék með Dortmund áður en hann fór til Manchester City. Báðir eru þeir hávaxnir og sparka með vinstri fæti.

Futurballersde, vefsíða sem fjallar um unga knattspyrnumenn í Þýskalandi, segir að það sé auðvelt að bera Bjarka og Haaland saman.