Argentínski þjálfarinn vill ekki spila gegn Íslandi

Lionel Scaloni, sem er þjálfari heimsmeistara Argentínu í fótbolta, sagði á blaðamannafundi að hann væri ekki ánægður með að spila gegn Íslandi. Leikurinn fer fram í Alabama í Bandaríkjunum klukkan eitt í nótt að íslenskum tíma.

Scaloni segir að leikurinn trufli undirbúning Argentínu fyrir heimsmeistaramótið í Norður-Ameríku sem hefst á fimmtudaginn. Hann hefur áhyggjur af því að leikmenn gætu meiðst í leiknum.

„Ef það væri undir mér komið myndum við ekki spila leikinn. Mér líkar þetta ekki,“ sagði Scaloni. Hann vill að leikurinn verði búinn sem fyrst svo liðið geti einbeitt sér að undirbúningi fyrir stórmótið.

Þrátt fyrir að vera áhyggjufullur ætlar Scaloni samt að láta Lionel Messi, helstu stjörnu liðsins, spila í leiknum. Messi er mjög mikilvægur fyrir liðið og margir bíða spenntir eftir að sjá hann spila.