Jafntefli hjá Írlandi og Ísrael

Írska landsliðið í fótbolta, undir stjórn Heimis Hallgrímssonar, gerði 1:1 jafntefli við Ísrael í kvöld. Leikurinn var spilaður í Serbíu, þó að Írland hefði átt að hýsa hann heima í Dublin. Ástæðan var að Írar treystu sér ekki til að halda leikinn í Dublin vegna mikils titrings í kringum leikinn.

Írland er nú í þriðja sæti í sínum riðli með fimm stig, en Ísrael er á botninum með tvö stig. Í sama riðli gerðu Kósovó og Austurríki einnig 1:1 jafntefli. Austurríkismenn eru efstir með átta stig og Kósovó er í öðru sæti með fimm stig, eins og Írar.

Troy Parrott skoraði fyrir Írland úr vítaspyrnu á 39. mínútu. Þetta var fjórða mark hans í Þjóðadeildinni í ár. Dor Peretz jafnaði síðan fyrir Ísrael í upphafi síðari hálfleiks þegar boltinn kom til hans í teignum.