Litlir Menn keppa í Apex Legends

Um síðustu helgi keppti íslenska liðið Litlir Menn í stórri keppni í tölvuleiknum Apex Legends sem heitir ALGS Esports Nation Cup 2026. Liðið stóð sig mjög vel í fyrstu umferð mótsins.

Liðið samanstendur af þremur leikmönnum: Novak1r, Binniyaga og MrJon96. Þeir kepptu fyrir hönd Íslands á alþjóðlegum vettvangi. Í fyrstu umferðinni léku þeir fjóra leiki og enduðu efstir í sínum riðli með 90 stig, sem tryggði þeim sæti í annarri umferð.

Í annarri umferð var verkefnið erfiðara. Þar mættu þeir mörgum af sterkustu leikmönnum Evrópu. Þeir náðu í stig í tveimur af fyrstu fjórum leikjunum en enduðu í 12. sæti með 13 stig. Þeir komust því ekki áfram í þriðju umferð en voru aðeins sjö stigum frá því.

Þrátt fyrir að þeir hafi ekki komist lengra, var frammistaða þeirra mjög góð. Melína Kolka, sem sér um Apex Island mótið, sagði að þetta væri mikilvægur áfangi fyrir íslenska Apex Legends-samfélagið. Hún sagði líka að liðið hafi sýnt að íslenskir leikmenn geta staðið sig vel á alþjóðavettvangi.