Liverpool þarf fleiri leikmenn

Andoni Iraola er nýr stjóri hjá enska fótboltaliðinu Liverpool. Hann segir að liðið þurfi fleiri leikmenn fyrir næsta tímabil.

Iraola tók við starfinu í síðasta mánuði eftir að fyrri stjóri, Arne Slot, hætti.

Liverpool hefur keypt tvo nýja leikmenn í sumar. Annar þeirra er franskur varnarmaður sem heitir Jeremy Jacquet og hinn er spænskur sóknarmaður sem heitir Victor Munoz.

„Við erum búnir að fá tvo leikmenn en við þurfum fleiri. Við vitum það og félagið er að vinna í því,“ sagði Iraola á fyrsta blaðamannafundi sínum sem stjóri Liverpool.

Undirbúningstímabilið hjá Liverpool byrjar á morgun. Ekki allir leikmenn verða komnir því heimsmeistaramótið er í gangi núna.

„Ég vil að leikmennirnir séu með frá fyrsta degi til að æfa,“ sagði Iraola. „En við vitum að fótboltinn virkar ekki alltaf þannig. Félagið er að reyna að fá fleiri leikmenn.“