Paulo Dybala framlengir hjá Roma

Paulo Dybala, sem kemur frá Argentínu, hefur skrifað undir nýjan eins árs samning við fótboltaliðið Roma á Ítalíu.

Roma tilkynnti þetta í dag. Dybala hefur spilað með Roma í fjögur ár. Hann er 32 ára og hefur átt við meiðsli að stríða, en skoraði samt þrjú mörk í 27 leikjum á síðustu leiktíð.

Áður en Dybala kom til Roma spilaði hann með Juventus í sjö ár. Hann hefur einnig leikið með Palermo á Ítalíu og Instituto De Córdoba í Argentínu.

Dybala hefur skorað 45 mörk og gefið 30 stoðsendingar í 140 leikjum fyrir Roma.