Stjarnan vann Breiðablik í fótbolta

Í gærkvöldi vann Stjarnan frábæran sigur á Breiðabliki í fótbolta, 2:0. Leikurinn var í Bestu deild kvenna og fór fram í Garðabæ.

Þetta var fyrsti sigur Stjörnunnar síðan 14. júlí. Breiðablik tapaði sínum fyrsta leik síðan 9. júlí. Þetta er í annað sinn á leiktíðinni sem Stjarnan vinnur Breiðablik.

Stjarnan er nú í þriðja sæti deildarinnar með 26 stig. Breiðablik er á toppnum með 36 stig, en FH er í öðru sæti með 33 stig.

Leikurinn var markalaus í fyrri hálfleik, en á 79. mínútu skoraði Vigdís Edda Friðriksdóttir fyrir Stjörnuna. Þremur mínútum síðar skoraði Snædís María Jörundsdóttir og tryggði sigurinn.