Nýr X9 bíll kemur til Íslands

Á morgun verður nýr rafbíll, X9 frá kínverska bílaframleiðandanum Xpeng, frumsýndur á Íslandi. Frumsýningin fer fram í sýningarsal Xpeng að Vínlandsleið 6-8 frá klukkan 12 til 16.

X9 er stór og öflugur bíll með sjö sæti og fjórhjóladrif. Hann getur keyrt allt að 580 kílómetra á einni hleðslu og hefur 496 hestöfl.

Bíllinn hefur vakið mikla athygli um allan heim fyrir góða drægni og hraða hleðslu. Í prófi sem heitir NAF El Prix, vann X9 bæði fyrir að geta keyrt lengst og hlaðið sig hraðast. Hann getur hlaðið sig frá 10% til 80% á aðeins 12 mínútum.

Inni í bílnum er mikið pláss og auðvelt er að stækka farangursrýmið. Það er líka nudd, kæling og hiti í sætunum, og stór skjár fyrir afþreyingu.

Sölustjóri Xpeng á Íslandi, Kristinn Jón Baldursson, segir að Xpeng-bílarnir hafi sannað sig vel í íslenskum aðstæðum og að X9 sé frábær viðbót í úrvalið.