Breiðablik í undanúrslit í fótbolta

Breiðablik er komið í undanúrslit í bikarkeppni karla í fótbolta. Þeir unnu Ægi 3:0 í leik sem fór fram í Þorlákshöfn.

Fyrsta markið kom þegar Stefan Dabetic úr liði Ægis skoraði sjálfsmark á 8. mínútu. Svo bætti Viktor Karl Einarsson við öðru marki fyrir Breiðablik á 41. mínútu.

Ágúst Orri Þorsteinsson skoraði þriðja markið fyrir Breiðablik á 62. mínútu. Breiðablik er nú annað liðið sem kemst í undanúrslit.

Seinna í kvöld munu ÍA og Víkingur R. keppa á Akranesi. Á morgun keppa Fylkir og Grótta í Árbænum.