Ísland tapaði í fótboltaleik á Evrópumótinu

U-19 ára landslið kvenna í fótbolta spilaði á Evrópumótinu í Bosníu. Þær spiluðu síðasta leikinn sinn gegn Sviss og töpuðu 3:4.

Ísland var í riðli með Spáni, Austurríki og Sviss. Þær náðu ekki að vinna neinn leik í riðlakeppninni.

Ingibjörg Magnúsdóttir skoraði tvö mörk fyrir Ísland og Líf Joosdóttir Van Bemmel skoraði eitt mark.

Leikurinn byrjaði ekki vel fyrir Ísland. Sviss skoraði fyrsta markið á 16. mínútu. Ingibjörg jafnaði leikinn tíu mínútum síðar. Sviss skoraði tvö mörk í viðbót og Ísland var 1:3 undir í hálfleik.

Í seinni hálfleik skoraði Sviss fjórða mark sitt. Ingibjörg minnkaði muninn í 2:4 á 70. mínútu og Líf skoraði þriðja mark Íslands á 83. mínútu. Þær náðu ekki að jafna leikinn og lokatölur voru 3:4.