Bjarki skorar þrennu í fyrsta leiknum

Bjarki Hrafn Garðarsson er 16 ára gamall fótboltamaður sem spilar fyrir stórliðið Dortmund í Þýskalandi. Í fyrsta leik sínum með Dortmund skoraði hann þrjú mörk, sem kallast þrenna. Leikurinn var gegn liði sem heitir Holstein Kiel og endaði 4:3 fyrir Kiel.

Bjarki var nýlega keyptur frá íslenska liðinu Stjörnunni vegna þess að hann hefur staðið sig svo vel í fótbolta. Hann hefur vakið athygli víða um heim fyrir frábæra frammistöðu sína á Íslandi.

Margir hafa borið Bjarka saman við fræga fótboltamanninn Erling Braut Haaland. Þeir eru báðir hávaxnir og örvfættir. Haaland sló í gegn með Dortmund áður en hann fór til Manchester City.